كتبت/ ندي الشرقاوي
النرجسية تعني حب النفس أو الأنانية، وهو اضطراب في الشخصية حيث تتميز بالغرور، والتعالي، والشعور بالأهمية ومحاولة الكسب ولو على حساب الآخرين. وهذه الكلمة نسبة إلى أسطورة يونانية، ورد فيها أن نركسوس كان آية في الجمال وقد عشق نفسه حتى الموت عندما رأى وجهه في الماء.
والتي أتخذ منها عالم النفس سيجموند فرويد.
اساس لنظرية العقدة النرجسية أو الغرور
الأسطورة ...
نركسوس ابن إله النهر كفيسوس وواحدة من الحوريات هي الحورية " ليريوبي " وكان صياد في مدينه ثيسبيا واشتهر بشدة جماله اللي كان بيجذب أي حد يشوفه سواء من البشر أو الآلهة ليه .وفخرة الزائد بنفسة لدرجه جعلته يعرض. . عن من حول فلم يكن يعرف الحب أو يهتم بمشاعر الأخرين
حبت نركسوس حورية جميلة اسمها إيخو (اللي بعد كده جت منها الكلمة الإنجليزية echo ومعناها صدى الصوت)
إيخو مكنتش بتقدر تردد غير المقاطع الأخيرة من الكلمات فضلت تتبع نركسوس في كل مكان نركسوس صد بعنف حب إيخو ليه حزنت إيخو و حست إن كرامتها اتجرحت من كتر الحزن والبكاء ابتدى جسم إيخو يضعف لغاية ما اختفى في الآخر وبقت مجرد صوت في الوقت نفسه كان نركسوس بيزداد في غروره دعت إيخو أفروديتي لبت أفروديتي الدعاء ووعدت بالانتقام من نركسوس.
في مرة أثناء ما كان نركسوس في رحلة صيد حس بالعطش لقى نبع مية راح عند النبع يشرب وبعد ما شرب بص على المية لقى أجمل وش شافه في حياته ابتسم فالوش الجميل ابتسمله مشى نركسوس وساب النبع وهو حاسس بإحساس جديد عليه.
هجر النوم عيون نركسوس راح تاني عند النبع بص فيه لقى الوش الجميل بيظهر وبيبص عليه عرف نركسوس إنه وقع في حب حورية مائية مفيش في جمالها بالليل راح تاني علشان يشوفها والمفاجأة إنه لقاها هي كمان مستنياه فضل نركسوس يروح يقابلها ليل ونهار لكنه مهما قالها من كلام حلو إلا إنها بس بتحرك شفايفها وبتقول كلام شبه كلامه لكن أول ما يحاول يمسكها بتختفي صورتها يأس نركسوس وحس إنها مش بتبادله نفس المشاعر حزن وحس بشعور الرفض اللي ياما عانى منه اللي كانوا بيحبوه فضل ليل ونهار قاعد عند النبع بيتأمل في جمال الوش وبيحاول يمسكه لكنه بيهرب منه بقى ذليل ومكسور ضعف وفضل يضعف لغاية ما مات من غير ما يعرف إن الوش الجميل اللي هو حبه هو وشه وإن الصوت اللي كان بيسمعه هو صوت إيخو وظهرت مكان نركسوس زهرة جميلة حزينة ومكسورة هي زهرة النرجس.