كتبت / سما طارق المسدي
كشفت الاعلاميه بسمه وهبه عن تعرضها لشلل عضلي ف الفك من مركز تجميل مشهور بسبب خطأ طبي ، واثر علي الاحبال الصوتيه ورفضت ذكر اسم المكان الذي تعرضت فيه للحادث قائله " ممكن يكون حادث وحصلي انا بس" وشددت علي ضروره الحرص مع هذه المناطق الحساسه لانها تسبب كوارث .
وظهرت الاعلاميه بسمه وهبه من خلال حسابها الشخصي عبر فيديو تتحدث عن الواقعه علي انستغرام قائله " انا من شهر مكنتش بعرف اتكلم ولا افتح بوقي ولا حتي ادخل معلقه او شوكه ف بوقي ولا حته عيش وبالصدفه كنت ف دبي وروحت لدكتوره شاطره جدا وقالتلي اعمل جلسات علاج طبيعي بسبب الضغط العصبي "
واضافت بسمه وهبه " وخدت العلاج ومعملش نتيجه وروحتلها تاني فعملت منظار وكانت مستغربه جدا وقولتلها انا معنديش ضغوط وعامله روشته لنفسي ببعد عن كل ال بيدايقني واقرب من كل حاجه بتفرحني "
وتابعت " انا بحب الضحك ،ومش بحب حاجه ف حياتي غير اني اضحك وبس وانتو عارفين انا ازاي واخده الموضوع تحدي ، وفضلت ترجع معايا لورا لحد م افتكرت اني عملت حقنه بوتكس وفيلر من شهر وفيه حقنه خدتها ف الفك ودخلت علي الاحبال الصوتيه وهيا ال عملت كل ده"
واكملت "هحط خط لا عايزه اقول بسبب مين ولا المكان وهوه مكان كبير ونضيف ومحترم جدا وممكن اكون انا حادث ، كل اللي عايزه اقوله الناس تاخد بالها ويتقوا الله فينا وياخذوا بالهم من مناطق زي دي ، والدكتوره قالتلي مش عايزه صوتك يكون عالي ، حب الحياه هوه ال بيخلينا نعدي اي مشاكل وصعاب" .